؛؛[ قصيدة تذرف لها دموع القلب قبل العين ]؛؛

--------------------------------------------------------------------------------

عجوز في دار المسنين ((قصة مؤثره))

حمدان يا حمدان .... أمك توصيك ..

قصيدة كتبتها عجوز بعد أن اودعها أبنها في دار المسنين ..

وطالت المدة لثلاث سنوات بدون أن يزورها ..

ورغم كل هذا كانت القصيدة مليئه برحمه وعطف الأم ..

الله يخلي لكم امهاتكم يارب ..

ويارب تكون هالقصيدة درس للكثير من الأبناء ..

ودرس لزوجات الأبناء الي يحرضون الاولاد على عقوق أمهاتهم ..

ترى الدنيا دوارة ..

اترككم مع القصيده

وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك . من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا
الله يحفظ امهاتكم











منقووووووول

---

__________________


جفووولة لن ننساك يا نور المنتدى

لاحول ولاقوة الا بالله

الله لايحرمنا من القلب الحنون ..

اشكرك عزيزتي ..

__________________
[.. وبــدت أحــلامــي ســـواراً تــداعــب خــد الــســمــاء ..

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا


ياربي من جد تحزن

يعني هذا جزاها

يارب اعينا على برهم والاهتمام مثل ماربونا وماقصروا معانا

__________________

ياااااارب اشفي محمد وفرحنا بشوفته معافى وبصحه جيده يااااارب انك قادر على كل شي

<div align="center"><span style="color:red">,واللة قهر ناس تتمنى الام
لكن الله لايحرمنا منهم ويخليهم ويطول باعمارهم</span></div>