العبايه عولموها وإنفثو فيها السموم

من ملاهي الرقص جابوا فكر تخصير العباة

ضيقوا صدر العباة ووسعوا طرف الكموم

ونزلوها لين وصلت آخر أكتاف الفــــتاة

بانت نحور الصبايا وإنكشف شكل الهدوم

والغبية تحسبنها زايده زين وحـــلاة

والبراقع دلعوها لين عام الخد عوم

لازم القرضه توسع والكحل يلقى الحـياة

طوروا شكل النقاب وصارت الدعوه علوم

صار شفاف(ن) يوضح خدها ويا الشـفاة

وآخر الصرعه لثام(ن) يفتن الرجل العزوم

والفتن قالوا ضلالة للقلوب المؤمنــات

وش علامك بنت حوا تستبيحين السلوم

أو مع خيلك يا شقراء بعضكم جنس البنـات

قاهرتهم هالعبايه ما يبون الستر دوم

جدهم علمان يعني لا صيام ولا صــــلاة

حطوا إن البنت سلعه وغلفوها بالهموم

وأرفعوا شعار(ن) ينادي للحقوق الضايعــات

من ظلمها والبدو لا صاحت الحرمه تقوم

قايمه تحت المعادي لأجل عين الشامخـــات

من ظلمها يوم قام المعتصم من عز نوم

قال وين الكافر اللي يستبيح المسلمـات

ثم ذبح لجل شعرتها من العدو كثر النجوم

قال هذا حق منهو يستذل الطــــاهرات

نكسوا ذاك الشعار ولملموا باقي السهوم

يكسر الخاطر سهمكم لا ضرب في مدرعــات

بيتكم لا صار مبني داخل البيت مهدوم

وبيتنا صوم وصلاة وحج وأشهد والزكـــاة

إتركيهم يا بدويه وخلي اللايم يلوم

وسعي خصر العبايه وإكرمي بالمكرمـــات

وإن رفعتيها لراسك أصبح الراس محشوم

العبايه فوق راسك حشمه وطيب وثبـــات

يا بدويه لا يغرك بعض غربان(ن) تحوم

إنتي فوق الكل إنتي فوق روس النايــــفات

أنتي يوم الحرب دارت والمعارك (قوم) (قوم)

عانقت عزوات أخوك صوت ضرب المرهفــات

إن حدوا من بيننا أو طولوا حد العقوم

يا بدويه طبعي أرقى فوق كل الطايـــــلات

إحذري يابنت منهم طبعهم نفث السموم

عولمتهم لو أعرفها طلع معنى الشــــتات

منقول

---

io`R`R`R`R`R`R`Rig``IigiS ig`RiW`d`~`Ri.`!!

__________________

مشكووره قمه في الروعه
وفعلآ هااااااااذذذذذذذااااااااا ااا الشي اللي صاااااااااير في اياااااامنا هاااااااااااااااذي
تقبلي مروري المتوااااااااضع غااااااااليتي

__________________

للاسف هذا وضع العبايه في هذا الزمان

سلمت يمينكي على النقل الهادف

__________________