السلام عليكم ورحمة الله وبركاته
حبايبي .... صاحبات الخبره ... انا حمالي عزيز والحمدلله على كل عطاياه رزقني ربي بولدي عبادي بعد عناء والحمدلله عندي غيره بنات مو هذي مشكلتي ولا مشكلتي عبادي ميال للبنات لا بالعكس ولدي احسه يكره جنس البنات ودايم بشجار معاهم مو بس اخته هنو لا صار يتطاول على الكبيره وعلى بنات خالاته اذا تجمعنا وصاير انطوائي بالبيت اذا ماتخانق مع البنات راح غرفته قعد يحوس ولا يبني اسأله شتسوي على طول يرد علي ماعندي شي نبرة صوته تخوفني هو بالدراسه بسم الله عليه متفوق ومحبوب من المعلمات وما كان بهالحال من قبل شهر وعلىفكره انا عندي بالبيت قطوه متعودين عليها حملت وجابت خليت واحد من عيالها عندي لاني احب القطط ونوعه ذكر عبادي طول الوقت ماخذ هالذكر وحاطه عنده بالغرفه وينومه بفراشه كم مره ابوه بصرخ عليه ولا فايده ابوه مايدري شسبب اللي مخلي عبود ماسك القط انا بس اللي اعرف وتصدقون احس ابوه يزيده بدون قصد بكرهه للبنات مع انه زوجي يفضل ويدلل البنت عليه ويعامله بخشونه حتى قاله حب القطاوه للبنات انت مو بنت اترك القطو ولو شفتك تشيله بطلعه من البيت صار عبادي ما يقرب له اذا ابوه بالبيت شسوي الولد خايفه يتعقد اقربه من نفسي القاه عمري فديته يموت فيني ويحاول يلبي كل ما طلبته وخواته طق واحيانا تبلي ومع نفسه ماادري طلعت معاه مره وقعدت اراقبه بروحه يمشي مثل مشي الابطال بدون مايحس , دخلت عليه بغرفته اسمعه يكلم القطو يقول حبيبي وما ادري مثل كلام البنات .... متناقض ما ادري عمره 9 سنوات يلعب العاب الاولاد والاكشن ووده يتابع افلام رعب بس مااخليه ويموت بكره القدم وللاسف هو ملامحه ناعمه اللي يشوفه يقول انه ناعم وهو مرات وايده عكس بس شويه احسه واقعي ولا عندي اكثرمن جذيه كلام لانه اكيد واضح لكم

---

__________________
]

انااقول للأخت ام عباد يمكن انتم تهتمون بالبنات اكثر منه لكن حاولي تتقربين منه اكثرايضاوالده يشاركه في العابه ويطلعه معاه وايضا اجعليه يكون له صداقات من جنسه ومقربين له ويرتاح لهم ايضا ادخليه للنادي لتكن عنده جرأة ويشغل نفسه في اشياء تفيده . والله وياكم

عمري تسلمين على المشاركه بس هو داخل نادي بفندق من الفنادق الكبيره والسبب اني اخاف عليه لا يحتك بعيال مستهترين قلت ادخله هالنادي يعني مو مهتمه بالبنات ومخليته والشاهد الله بس بالفعل مايختلط مع ابناء جنسه الا بهالنادي لمده ساعه بس وعقبها لا يمكن هذا السبب بانطوائه وبعد انا عايشه بمنطقه جديده ولا دايم خايفه عليه وعيوني عليه ولا اخليه يطلع مع عمامه اخاف مايحطون بالهم عدل عليه وابوه معظم الوقت مشغول ولا يقصر اذا قعد بالبيت بصراحه ياخذه المسجد واحيانا الدواوين بس بالفعل حبيبتي اعترف اني اخاف عليه هو وخواته وياخوفي لا خوفي ولد القسوه بداخله واهتمامي فيه الزايد هو المخليه يحب يقعد مع نفسه ... عساج سالمه ياقلبي

__________________
]

الله يخليلك أولادك أولا
و أنا من رأيي الولد لازملو أبوه يهتم فيه ، و يخرجو معاه ، و لا فيها شي إذا قلتيلو إنت الراجل هنا بعد أبوك ، يعني حسسيه بأهميته ، و إذا كانوا أعمامه أصحاب ثقة خليه يطلع معاهم ، يبدل جو .
الله يقر عيناك بأولادك إن شاء الله

لا تخلين حاااجز بينه وبين البنااات بعدين يغاار ويحاااول يتنعم نفسهم علشاان يكسب رضاااكم
اللي تسوونه اكبر غلط الجاااهل توووه صغير تفرقون بينه وبين البنات مصيبه
انتو جذيه تخلووونه يحط في باااله ان البنات احسن منه ويحاول بعدين يقلدهم وذيك السااعه لا تلوومنه
كله بسبب تفرقتكم وثااني شي خلووه يطلع مع ابووووه لدواااوين وخليه يطلع معاااج لاي مكااان على بن اهو الرجااال


انشالله افدتج يا رب

الله يهديه ان شاء لله يكبر ويتغير

انتي اجلسي معه وبهدوء اسأليه وش السبب اللي مضايقه

انا ولدي الكبير (6 سنوات ) فيه صفة كره االبنات لدرجه الحين اقوله بيجيب بنت يقول بقطعها لكم خلها تجي وشوفي

والفتره الاخيره بدى يحن شوي عليهم من كثر كلامي معه

__________________

<span style="color:green">أنا عندي ولد بين بنتين ودايم يحاول يأذيهم , أما يخرب لعبهم أو يحاول ياخذ أغراضهم وأنا أشوف هذه طبيعة الولد مشاكس ويحب الحركه الكثيره أكثر من البنت بنتي الكبيره جداً هاديه وتحب تلعب بهدوء والصغيره مثلها لكن هو يحب يلعب بكل غرف البيت هههههههههههههههههه ما أدري ليه ؟
لا تخافين صدقيني كل الأمهات يشكون من ذا الشي . بس عطيه اهتمام مثل خواته ولا يزيد عليهم ولا ينقص لا الدلع ولا القسوه أنا ماشيه بتعاملي مع ولدي كذا يعرفني إذا قلت لا يعني لا .

بس وجود الأب مهم وخروجه معه مهم أيضاً ونصيحه سولفي معه كثير وسمعي شكواه .

الله يخليه لعين ترجيه ياااااااااارب </span>

ايش اقوللكم بس والله ان ولدي ماذيني ومحرجني [img]style_emoticons/<#EMO_DIR#>/002.gif[/img]

ابدا ما يطيق البنات هو عمره سنتين بس [img]style_emoticons/<#EMO_DIR#>/gmad.gif[/img]

اخته عمرها شهرين وتاكل منه ضرب بس يحصلها ولا احد معها [img]style_emoticons/<#EMO_DIR#>/gbaby.gif[/img] وبسرعة ما يضيع وقت تكفيخ بس&#33;&#33; [img]style_emoticons/<#EMO_DIR#>/punish.gif[/img]

حتى صديقاتي لما يجوني وبناتهم.. ما يحصلوا الا دف وتكفيخ [img]style_emoticons/<#EMO_DIR#>/cvman.gif[/img]

لا حتى البنات بالسوق يوم يشوف اي بنت صغيرة على طول ما اشوفها الا جالسة تصيح بالارض وولدي عند راسها [img]style_emoticons/<#EMO_DIR#>/cry2.gif[/img]

والله احراج [img]style_emoticons/<#EMO_DIR#>/confused.gif[/img]

يعني حبيبتي هذي مو مشكلتك لحالك [img]style_emoticons/<#EMO_DIR#>/friends.gif[/img]

والله يعيننا على تربيتهم واصلاحهم


ويعينك حبيبتي [img]style_emoticons/<#EMO_DIR#>/rose.gif[/img]

خخخخخخ
والله لو تشوفين عيال خوالي البنات كارهين العيال والعيال كارهين البنات

المشكلة بنتين وولدين وفرقهم عن بعض مو كثير بس اتركيهم دقيقتين الا ومعركة صايرة

واللي يضحك ان ام كل واحد تتدخل يعني ولا وحده منهم تقدر توقفهم لحالها ولا راحت فيها

بس الحين خفت شوي الحساسية بينهم

يعني شيء طبيعي بس اذا تركتيه منعزل اعتقد ان مشكلة راح تتولد عنده الانطوائية

يعني خليه يطلع مع ابوه فهميه ليه يتعامل معه ابوه بالشكل هذا بان يتعامل معه كرجال

والله يوفقك ويعينك في تربيته ويخليه لك

__________________

السلام عليكم ورحمة الله وبركاته
مشكورين خواتي على الاهتمام والردود اللي ريحت قلبي الله يريح قلوبكم والله يابنات حتى امي جننتها خوف عليه من كثر ماتشوفني احاتيه ومهتمه فيه وبعد خواته ما يقلون عنه بالاهتمام بس عبودي لانه الوحيد مو بس عندي عبودي وحيد بعايله ابوه لانه اصلا ماعنده عيال عمام ابوه الكبير فيهم وفرق عبودي عن ولد عمه 6 سنوات واكثر والمسكين ولد عمه موطبيعي الله يشفيه وبعد انا لي ظروف بين اهله بحكم انه عبدالله وحيد وابوه يعيش بعيد عنهم فما ابي اطلعه ناقص او متعقد من شي 0
مشكورين مرة ثانيه خواتي من قلبي اقولها ولكم كل الحب والاحترام والله يخليلكم عيالكم

__________________
]