شنطه صغيره مربعه سهله جدا بالصور

أم عبدالله · #1 10-07-2008, 06:41 PM

بسم الله الرحمن الرحيم
السلام عليكم ورحمة الله وبركاته

اهلا اخواتي.. تحيه طيبه وبعد

لي فتره ما شاركت بهذا القسم او بالمنتدى بموضوع جديد بعد فترة النقل الأخيره الموفقه ولله الحمد.
اشتقت لنادي الأشغال الفنيه وحبيت انزل موضوع جديد سهل يفيدكم في الإجازه وراح تستمتعون في العمل فيها ان شاء الله..

والدرس هو طريقة عمل شنطه صغيره مربعه كالموضحه في الصوره

بصراحه عندي اكثر من طريقه لعمل هذه.. لكن مثل هالطريقة السهله اللي شفتها باحدى المواقع ما شفت.. لأنه بمجرد النظر في هذه الشنطه .. أو حتى بالتفكير فيها.. يتخيل للشخص انه من الضروري عمل وجه الشنطه من الأعلى قطعتين مستطيلتين وخياطتهم بالسحاب (الزيبر) ثم قطعتين مربعتين صغيرتين للجوانب تحت السحاب في كل جهة.. ثم قطعة مستطيله للقاعدة ثم قطعتين من القماش للجانبين الايمن والايسر للشنطة.

ولكن

أن يكون عمل هذه الشنطه فقط بقطعتين مستطيلتين من القماش والسحاب (الزيبر) فقط !! فهذا بكل صراحه رائع جدا..

هذي الشنطة ممكن نستفيد منها في عمل شنطة للمكياج، شوي كبيره لاستخدامات متعدده مثل شنطة للخيوط، او بعض الأدوات، او للحلويات، او صغيره مع قماش مخمل مثلا واهديها كهديه او ما شابه، وبالطبع ممكن نغير بالمقاسات طويله او قصيره او عريضه بحسب الرغبة.

راح اكتفي بالحديث الى هذا الحد، ونبتديء الدرس ترجمته بطريقتي لكم، وبسم الله وعلى بركة الله ولا حول ولا قوة إلا بالله..

أولا: نختار القماش (اختاري قماشه حلوه) ممكن تكون ملونه يابسه شوي او حتى مخمل.

فكرة:- ممكن تكوني مشتغله مسبقا على قطعتك من القماش من تطريز بالخرز او الشرايط وما شابه قبل خياطتها !!

ثانيا: يجب ان يكون لديك قطعتين مستطيلتين من القماش نفس المقاس
مثلا لو افترضنا 8 انتش في 6 انتش (للحجم الصغير).. وكل وحده حسب قياساتها..
العرض هو المسافه الطويله اللي تكون مواجهه للسحاب (الزيبر).

ثالثا: طبعا لازم يكون عندك سحاب (زيبر) يفضل يكون اطول من العرض لسهولة العمل عليه.. ويكون مناسب للون القماشه او مسمى آخر للقماش هو (الخَلَقْ).

مثل ما هو موضح بالصورة في الأعلى نقوم بعمل ثنية بحجم نصف انتش inch.. نكفسها وضغط عليها (طبعا هذا في القطعتين من جهة واحده فقط كماهو موضح في الصورة) وهذا الإجراء مهم لترتيب وجودة العمل وهو اللي راح يكون على السحاب من كلتا جهتيه.

لا مشكله من ان يكون السحاب (الزيبر) أكبر من عرض القماش وأي زيادة في الطول سوف نقصها لاحقاً.

نخيط قطعتين القماش على الجهة الصحيحة للسحاب (الزيبر) كل قطعه في جهة واحده من السحاب، نخيطهم في الوسط ليس على آخر طرف السحاب وليس في بدايته.. بل في الوسط.

نقلب قطعتين القماش بحيث يكون وجهة القطعتين الصحيحتين على بعض والسحاب في الطرف (كأنه الخس والقماش هو الساندويش :) ) ... ممكن تثبيت القطعتين بالدبوس للتأكد من عدم حركتهم أثناء الخياطة بالمكينة. نحيط مثل ما وضحته بالسهم البرتقالي، وانا أفضل دائما بخياطة الشنط هو الخياطة مرتين على الأقل فوق بعض يعني أمشي بالمكينه مرتين حتى تكون الخياطة قوية خصوصاً للشنط.

الحين فيه خطوة جداا مهمه ولا بيضيع كل الشغل لا سمح الله
لازم الحين نقوم بفتح السحاب (الزيبر) الى النص.. لماذا؟ حتى أقوم لاحقاً بقلب العمل من فتحة السحاب اذا ما فتحته بنتوهق بعدين.

ومثل ما هو موضح بالصورة في الأعلى، نخلي الخياطة اللي سويناها قبل قليل فوق السحاب بالضبط (بالضبط!!).

نخيط الجانبين كما هو موضح بالصورة في الأعلى، ولازم هنا نخيط لو على الأقل أربع مرات في كل جهة أي نمشي بالمكينة اربع مرات لأنه هالجهتين فيهم السحاب (الزيبر) ونبغى تكون الخياطة للقماش مع السحاب قوية.

وبعد الخياطة نقطع الزائد من السحاب مع ترك قطعة صغيره كما هو موضح في الصورة بالأعلى.

هذا شكلها بعد ما نكون قلبناها من فتحة السحاب اللي تركناها.

الحين ارجع اقلبها مره ثانيه مع ترك السحاب مفتوح عند الوسط. ما افتحه كله علشان يكون الشغل والخياطه ثابت ومتماسك ولا اني اقفله كله واتوهق عند قلب العمل.

نطلع الزوايا للخارج كما هو موضح في الصورة، نحاول نسحب ونطلع الزاويا بالحجم المرغوب ونزيد من السحب او ننقص المهم حتى نوصل للشكل المربع المرغوب. ومهم في كل زاويه اثبت بدبوس حتى اوصل لشكل متساوي لهم كلهم بالحجم المرغوب.

ونرسم بالمسطره والبنسل أو استخدام قطعة اللون الخاصه بالتعليم على القماشه، هنا مثلا كان طول الخط 3 انتش للمقاسات اللي ذكرتها سابقاً، وهي بنفس الوقت راح تكون ارتفاع الشنطة. (يعني هنا هي وايد صغيره) !!

نخيط الزوايا الاربعه اللي علّمنا عليها، وهنا يفضل نخيطهم أولا مره وحده بس يعني خياطة وحده بس ونشوف الشنطه كيف صايره وكيف ارتفاعها ان عجبتنا نعيد بالخياطة على الزوايا مره ثانيه للتثبيت، واذا لأن نجيب الفتاقه ونفتح الخياطة ونعدل في حجم الزوايا من جديد واللي هي راح تكون كما ذكرت في السابق الطول للشنطة.

بعد ما نكمل من هذا الشغل، نقطع الزائد من القماش ونترك تقريب نص انتش بعيد عن الخياطه حتى لا تنسل الخياطة.

وهذا هو شكلها النهـــــــــائي
7
7

تم بحـمـــــــد الله
ما شاء الله تبارك الله ولا حول ولا قوة إلا بالله

أتمنى تعجبكم وخاطري اشوف تطبيقاتكم بالصور ان امكن
وممكن مع دمج فكرة البطانه في الدروس السابقه اللي نزلتها تسوون لها بطانه.

بانتظاركم.. والله الموفق

:rose: اختكم / أم عبدالله :rose:

_

المصدر: اجمل بنات السعودية - من قسم: خياطة الشنط بأنواعها

`viP`Xig `t`ai.`ig iS``~`dig `migiWig `'`x`R `~`RiW`ti`

أم لمــار · #2 10-07-2008, 08:26 PM

الله يعطيك العافية حبيبتي ...

شرح واضح .. تسلمين يالغلا ...

أم عبدالله · #3 10-07-2008, 08:41 PM

الله يعافيك عزيزتي ام لمار .. حياك الله

-

ام عمير · #4 11-07-2008, 02:43 AM

شاكرة لكى جدا اختى الحبيبة

بارك الله فيكى

حجازيه · #5 11-07-2008, 07:39 AM

ماشاء الله شرح وافي واضح أم عبودي

ان شاء الله اطبقها بس بعد الاجازه لان عندنا ضيوف

تسلمين دائما مواضيعك مميزه ومفيده

أم عبدالله · #6 11-07-2008, 06:05 PM

العفو .. والله يسلمكم من كل شر
ان شاء الله تستفيدون منها وتعجبكم..

-

أميرة رمادي · #7 11-07-2008, 06:42 PM

حركات والله

عاد انا في الخياطه هههههههههه

اخيط الزر مايجي ساعه ويفرط هههههههه

يبيلي اتعلم واحسن شوي في خياطتي

^_^ تسلم يمناك خيتو ماقصرتي والله
شكلها حلو

شيخة زماني · #8 12-07-2008, 04:39 AM

بصراحه حلوه والشرح واضح

بس للأسف ماراح تشوفون تطبيقي لأني ما اعرف ولا احب الخياطه ابد احب كل شي يجيني جاهز هههههاااي

يعطيكي العافيه ام غبدالله يمكن تخليني احب الخياطه واتعلم منك

معلمه حاسب · #9 12-07-2008, 11:58 PM

يعطيك العافيه اخت ام عبدالله
شرح واضح ووافي

شموع المجد · #10 15-07-2008, 04:49 AM

ياهلا فيك ام عبد الله طريقه واضحه وشرح وافي تسلمين يالغلا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
درس خياطة شنطة على شكل كيس سهله خطوه خطوة بالصور	أم عبدالله	خياطة الشنط بأنواعها	52	18-12-2011 08:37 PM
سلطة نجتس الدجاج .. لذيذه .. سهله .. و بالصور	المتجدده	سلطات مقبلات احلى السلطات واجمل سلطة	31	29-10-2008 11:20 PM
كنافة المارس ... لذيذه و سهله و بالصور	المتجدده	عصيرات مشروبات ايسكريم مثلجات باردة ساخنة	5	06-09-2008 05:57 AM
تصغير الانف بطريقه خبيرات التجميل سهله جدا بالصور	الجوري	عالم المكياج و العطور مكياج عطور جديدة	29	02-11-2007 09:41 PM
سلطه سهله ولذيذه بالصور	غردينيا	سلطات مقبلات احلى السلطات واجمل سلطة	23	08-03-2007 01:45 AM