السلام عليكم ورحمة الله وبركاته
اخواتي كثير مانسمع بان فلانه ماحملت ولها 3 سنوات او اربع او فوق خمس سنوات وهي مغير ركض وراء المستشفيات
ماخلت مستشفى الى وعالجت فيه
وبما نحن بنات ام عبدالله ونحب الخير للجميع نقف يدا وحده
ونحط هنا تجارب ووصفات مضمونه لاخوات سووها ورزقوا بالذريه
كل وحد سمعت عن وصفه مفيده لهذه الحاله تذكرها هنا وان شاءالله ربي مايحرمها من كل خير

وسأبدأ :
بسم الله الرحمن الرحيم
اختي في الله استعيني بالله اولا واخيرا
وهذه بعض الوصفات او التجارب لاخوات لنا في الله عانينا سنوات وبعد تجاربهم لهذه الوصفات رزقهم الله بالذريه

اول شي اذا تاخر عنك الحمل لاتقلقي فان القلق يمنع ذلك
واذكر قصه احد الاخوات تاخر عنها الحمل سنتين وبداءت تراجع الطبيب ووجد انها سليمه جدا
لاكنها تعاني من التوتر بسبب تاخر الحمل فكان الطبيب ذكي
وقال لها انتي جايه تعالجين وانتي حامل!!!؟؟
قالت : كيف؟ قال انتي حامل بس انتبهي لنفسك واوصاها بما هو مفيد
ورجعت للبيت فرحاااااااااااااااااااااا اااااااااااااااااانه واطمئنت وهدئت اعصابها وراح التوتر الي عانت من اكثر من سنه
وراحت لموعدها مره ثانيه بعد ثلاث شهور وسوت تحليل عند نفس الدكتور الي اخبرها بانها حامل وقال لها مبروووووووووووووووووووك
انتي الان حامل !!!!!!!!
واخبرها بالحكايه
اتمنى ان المعلومه وصلت وهذا ليس من نسج الخيال بل نعرفها شخصيا

ووحده ثانيه اسقطت وجلست سنه ونص ماحملت في الاخير صار هرمون الحليب مرتفع عندها وبعد اكل الحبوب باسبوعين حملت
فاول شي الوحده تشوف هرمون الحليب عندها بعدين تبداء تعالج


ووحد كانت تعاني من ضعف شديد بالمبايض .. وكانت تعالج عند استشارية أمراض عقم بالبحرين
ولكن للأسف العلاج ماجاب نتيجه .. لا الكلوميد .. ولا الأبر .. ولا حتى التلقيح الصناعي ..
لحد ماجربت خلطة إيرانيه نصحتها بها إحدى المترددات على إيران .. وفعلاً يابنات .. الحمدلله .. بعد 3 شهور من استعمالها للخلطه ..
حملت بإذن وفضل الله تعالى.. ثم بفضل هذه الخلطه العجيبه .. وصار عندها الحين ولد أموووور داخل عالشهر الخامس... الحمدلله .. الله يرزق الجميع .
الخلطه عباره عن عسل إيراني أصلي + غذاء الملكات إيراني وأضافت عليهم بودرة لقاح النخيل
مفيد لنساء والرجال

وسبحان الله .. صحيح العسل فيه شفاء لكل داء

وثالثه تقول : جربت كل الادوية مافية دكتوور الا ورحت له ومافية فايدة
الكلوميد شقق معدتي والمثبت الديفستووون خلاني مجنونة
مالقيت حل تعبت ونفسيتي تعبت اكثر
الين جاني الفرج وهو وصفة بسيطة من اخت لن انسى لها هذة الوصفة ماحييت واتمنى انكم تجربونها والله تدعون لها وتدعون لي

الوصفة بسيطة وسهلة وماتكلف عشرين ريال
تصدقووون وانا اللي كنت اخذ ابر منشط يمكن حوالي خمس مية ريال

المهم ماطوول عليكم

الوصفة هي

تروحين للعطار وتقولين لة ابغى

بـ خمسة ريال يانسون
بـ خمسة ريال شمر
بـعشرة ريال عرق سوس

وتقومين بالبيت وتطحنينهم

وتحطينهم بعلبة بالثلاجة

وكل يوم على الريق الصباح تاخذين كوب موية وتحطينة بالابريق وتخلينة لين يغلي بعدها تحطين ملعقة من الخليط السابق...وتخلينة يفووور بس شوي
وتصفينة بصفاية ويجي مقدار كوب

تخلينة لين يدفى وتشربينة ولاتاكلين بعدة شي لمدة ربع ساعه

ونفس الطريقة اذا بغيتي تنامين لمدة 20 يوووم

اذا جتك الدورة كملي لين يخلص المقدار

واذا ماجتك الف الف مبروووك انتي حامل

صدقوني خواتي والله والله كل حملي من هذة الطريقة وودعت المنشطات والمستشفيات
انا ابتدي فية من ثاني الدورة لحد ماتجيني الدورة الثانية ولا ماتجي باذن الله

ابدا فية ثاني يوم من الدورة لين يجي موعد الدورة الثانية باستمراررررر

دون توقف


ورابعه تقول:
تبين الحمل وماحملتي وانتي سسليمه عن تجربه
السلام عليكم يالغاليات اناماحب اطول عليكم اذاكنتى سليمة وزوجك سليم جربي الطريقه هذي
والله عن تجربه اناواختى انامتزوجه لى ثلاث سنين وماكتب الله واختى سقطت وتاخر الحمل عندها
المهم اعطتني وحدةالله يجزاهاخير الطريقه وتراها تصلح لأيام الدوره الطريقه
1-تجيبين 7تمرات شقر نوعيتهاوتحطين عليهاكأس ماءوتغلينهم علي النار لين يفورفوره
وبعدين تضغطين علي التمر لين الماءيصيرلونه لون التمر
2-ملعقه زيت زيتون 3
-ملعقة رشاد تحطين الزييت والرشاد علي الماء
وتشربينها علي الريق اهم شي علي الريق وتشربينهااول ثلاثه ايام الدوره وراح تشوفين بلاوي بس لا تنهبلون
واستمري ويسمونه بمجتمع الحريم السدد اناجتني الدوره مرتين الثالثه حملت الحمدلله واختى نفس الشى دورتين والثالثه حمل
بس انتبهوا يكون عندك هرمون الحليب المانع الخفي لان وحده سوت الطريقه وتقول ماجاب نتيجه وصارعندهاالهرمون مرتفع
لأنه يمنع الحمل طولت عليكم مابغى الاالفائدة لأخواتي )
أعرف إحدى الأخوات جربت القراءة والدهن بزيت الزيتون المقري فيه على البطن في بداية أيام الـمغص وحملت بفضل من الله ومنته

انتهى


والي عندها تجربه تذكرها هنا
ودمتم سالمين :rose:

:rose:

---

جزاك الله الف خير
ورزقنا الذريه الصالحه انا وانت والمسلمات اجمعين
امـــــــــــــــــــــــ ــــــــــــــــــــــين

امين ام زايد وهلا بك

الله يرزق الجميع الذرية الصالحة بإذن واحد احد فرد صمد

هلا بك حبيبتي

جزاك الله خير

__________________

الله يرزق كل محروم يارب

شكرا عذاري

__________________

ياااااارب اشفي محمد وفرحنا بشوفته معافى وبصحه جيده يااااارب انك قادر على كل شي

يعطيكي العافيه عذاري
جهد رائع جعله الله في ميزان حسناتك
الله لا يحرم حدا من الذريه الصالحه
امين

الله يعافيكم

الي الاخت الفاضله عذاري حبيت اساللك زوجي جابلي الشمر وعرق السوس واليانسون بس جابلي شي زي الخشبه ماتنطحن ياترا وصفها صحيح لانهم يقولو ماتنطحن وحاولت بالمهراس وصعبه صراحتن وهي صح من الوصفه هاذي اللي زي الخشبه الرجاء الرد اليوم لاني ابغا ابدا فيها اليوم