| |
| |||||||
| قصص روايات قصة و رواية القصص الروايات القصة والرواية |
 |  | |
 |
| | أدوات الموضوع | انواع عرض الموضوع |
|
#81
10-06-2008, 12:40 PM
| |||
| |||
الجزء الحادي عشر دخل غرفته بضيق .... الدنيا كلها ضاقت عليه..... فتح ازارير ثوبه.... رمى غترته على السرير بطفش ....سحب الكرسي الي عند الشباك بقوه.... جلس وهو يزفر اسند راسه وشبك اصابعه واخذته الذكريات لهذا الموقف الكريهه لنفسه تذكر وياليته ماتذكر ابو احمد " الله يرحمه " وهو يرحب بولد اخوه : تفضل ياولدي لاتستحي البيت بيتك سعود وهو منحرج من معامله ابو احمد الطيبه :تسلم ياعمي جلس سعود على الكنبه قدام ابو احمد ابو احمد وهو مبتسم : اكيد مستغرب اني ناديتك الحين وفي هذا الوقت بالذات سعود وهو يحاول يكون طبيعي : مدري عمي بس بصراحه خوفتني يوم ناديتني مو من عوايدك عسى يكون خير ان شاء الله ابو احمد وهو يناظر سعود بحنان : الانسان مايضمن عمره ياولدي وانت قاطعه سعود بسرعه : الله يعطيك طولة العمر عمي ابو سعود وهو يناظر فنجان الشاي بحزن : تسلم ياولدي انت مثل ماتعرف اني مريض بالقلب وشايف كيف وضعي مع هالأدويه دوم في المستشفيات فأبيك ياولدي لاسمح الله صار فيني شي ابيك تضم عيال عمك الي هم عيالي وترعاهم شهد واحمد حطهم بعيونك ياسعود الله الله فيهم ما اوصيك عليهم احمد شوي عصبي ياولدي فلا تزعل منه اذا ضايقك بكلامه انت الحين بحسبة اخوه الكبير شهد عصفورتنا مدري لو ابتعدت عنها وش راح يصير فيها مابي ايش شي يكدرها او يضايقها ماوصيك على عيالي ياسعود حطهم بعيونك خلني اكون مرتاح ولو يوم بحياتي مالي الا الله ثم انت ياولدي انت ياولدي انت ياولدي انت ياولدي قام من الكرسي بسرعه متضايق وكلمات عمه تتردد في اذنه حط يده على رقبته من الضيق يمسح عليها بقوه وش هالاختيار الصعب ممكن ارعاها ما اخلي احد يضايقها بس الا الزواج مابيها مين راح يفهمني صدرو قرار بقتلي بزواجها كيف راح اتحملها اااااااااه ياربي تعبت تعبت ماحد يفهمني بهالدنيا سحب غترته من الكرسي بطفش رماها على كتفه وخرج من الغرفه شاف العنود جايه باتجاهه وهي تاكل ساندوتش العنود وصوتها مو واضح من الأكل : على وين حظرة جنابك سعود باشمئزاز : خلصي الي في فمك وكلميني عدل العنود وهي تبلع الي في فمها : ايه خلصت بس وين رايح الحين سعود وهو مكتف يدينه : لا يكون حرمتي وين رايح ووين جاي العنود وهي تضحك وتضربه على كتفه : أي حرمه الله يهديك ما اقول الا الله يعين غديروه عليك صدق انك عفشش سعود وهو مستغرب من كلامها نزل حواجبه وتقرب منها : وش وش تقولين مين هذي غدير ووش دخلها ارتبكت العنود بسرعه وحاولت تبرر كلامها بس ماتدري كيف : هاه بس كنت امزح معك وانت أي كلمه تحاسبني عليها اقولك امي تناديني با ماخلاها تهرب مسكها من يدها بقوه وبعصبيه : ابي اعرف وش السالفه ومن غدير هذي اللي تقولين عنها العنود وهي تحاول تخفي ارتباكها وبعصبيه : اووووهوووو وانت ماحد يعرف يمزح معك انا وين الاقاها منك ولا من بنت عمك النسره ( وسحبت يدها بعصبيه منه وراحت ) اما هو ضل واقف مكانه ماتحرك ليش حاقده عليها معقوله تكون شهد انسانه بلا اخلاق تنهد بيأس الله يعيني ++++++++++++++++++++++++++++++++++++++ فاتن مجتمعه مع اهلها وهي تحس بالفرحه غامرتها بقلبها فاتن وهي تضحك :ههههههههه وانت تستاهل احد قالك تاخذ مني لعبتي مهند وهو يسوي حركات كوميديه يقلدها : يبببببه ثوف مهند هذا اللي فالحه فيه يومها صغيره دوووم يطلعوني ظالم وهي مظلومه ام فاتن : وانت ليش تحط نقرك بنقرها تدري انها دلوعة البيت مهند وهو يسوي نفسه حزين : حاااولت اسرق منها الاضواء ابي اكون انا الدلوع البيت بس يااااااااخساره اللكل كان يوقف معها وانا مالي ( يأشر )الا هالجدار اشكيله ويشكيلي فاتن وهي ترمي عليه المخده تضحك: الله يقطع سواليفك يامهند قوم كنك عجوز تتحسر وتولول ماناقص الا تضرب وجهك مهند وهو يقوم وياخذ المجله اللي على الطاوله وبمرح: وش زينهم العجايز زينة الدنيا ضحكتهم وابتسامتهم وحتى تكفيخهم بالعصي تعطي الدنيا حلاوه ولا ايه ياعم ام مهند وهي عاقده حواجبه : احس الكلام موجه لي مهند وهو يدافع عن نفسه : لالا ومن قال افاااا احد يئدر يئول الكلام ده دنا انتي ست الفتيات ياقميل ياامر فاتن : اشوفك انقلبت مصري مهند وهو رايح وبأبتسامه كوميديه : لا صعيدي كلهم : ههههههههههههههههههههه بعد ماراح مهند لغرفته وام مهند انشغلت بالصوف اللي عندها رجعت جسمها لورا وهي تناظر السقف بأبتسامه ممتن لك ياشهد بالكثييييير حياتي تغيرت احس السعاده والفرحه انغرست بقلبي كلامك اشعل شمعة الأمل في قلبي خلتيني ابتسم بعد ماماتت الابتسامه بقلبي غمضت عيونها وهي تحاول تتذكر رقم التلفون اللي اعطته اياها شهد حاولت وحاولت الى ماتوصلت لرقم نطت بسرعه يوم قدرت تتذكر الرقم لتلفون امها شافتها وهي تنقز بسرعه للتلفون ام مهند : بشويش يابنتي لاتطيحين فاتن بابتسامه : ابشري يالغلا بس من الفرحه ام مهند بحنان : دوم هالفرحه فتونه رفعت السماعه بسرعه ودقت الارقام وهي ماسكه السماعه تحس بالشوق يسبقها مافيها صبر تبي تشكرها الحين بدا الخط يدق وشوي الا وترتفع السماعه ابتسمت فاتن بفرحه : الو فجاءها صوت رجولي : نعم فاتن بارتباك : السلام عليكم الصوت الرجولي : وعليكم السلام فاتن : ممكن شهد مرة فترة صمت بعدين رد سعود بقسوه: شهد مشغوله فمان الله ( وقفل السماعه ) ناظرت السماعه باستغراب علامه هذا صدق عفش ولا يعرف لاذوق ولا احترام +++++++++++++++++++++++++++++++++++++++ فهد وهو راجع للبيت تعبان وزهقان من هالدوام مر على المركز اخذ له كم شغله ورجع للبيت وقف السياره جنب البيت وخرج دخل للبيت وهو يمسح العرق من جبينه دخل المطبخ فتح الثلاجه شرب له كاسة مويه ناظر الفرن شافه مثل ماهو يعني حتى اليوم ماطبخت تأفف بضيق وش هالعيشه لا حرمه تستقبلني ولا غداء جاهز كني عزوبي رمى بالاغراض على الطاوله وخرج من المطبخ وهو معصب ويحاول يملك اعصابه سمع اصوات في غرفته راح بسرعه باتجاه الغرفه فتح الباب وشافها كالعاده حاطه رجل على رجل وتتكلم بالتلفون ناظر الغرفه شافها مو مرتبه كل شي مقلوب فوق تحت وهي حظرة جنابها تكلم بالتلفون وتضحك يوم شافته هند : اقولك مع السلامه بعدين اكلمك قفلت السماعه وقامت بسرعه والشك لعب دوره عند فهد ليش قفلت السماعه يوم جيت مين الي تكلمها معقوله يكون الي في بالي لالالا ماتوصل لهالدرجه بس الي يخليها تكلمني بتكلم غيري ياااااربي وش هالتفكير بس بس وش يضمن ان هذي الي تكلمها بنت يمكن تسوي مثل ماكانت معي توهم اهلها تكلم بنت وهي تكلمني معقوله توصل لهالدرجه تعبت ياربي تعبتت هند كانت واقفه وهي شايفه حالة زوجها تعبان وهلكان وشكله الحين يفكر اقتربت منه وبحنان : علامك فهد فهد وهو يشيل يدها منه بعصبيه : ليش البيت كذا من فوق لتحت والغداء مو جاهز والدنيا فوضى بالله هذي حياه جاي من الشغل تعبان الاقي نكد في كل مكان نكد انا تزوجت علشان ارتاح ولا اتنكد هند وهي متلومه في نفسها مسكت يده : فهودي وربي مانتبهت للوقت اخذتني السوالف بالتلفون يوم قالت التلفون سحب يده منها بقرف : الغلطه مو عليك الغلطه علي انا يوم مخلي التلفون في البيت بس هذي اخر مره تشوفي هالتلفون ( والتفت لسرير يبي يحط شماغه شافه مو مرتب زادت عصبيته ) فهد بعصبيه وهو يقترب منها ويرمي الشماغ بوجهها : نعنبو ابليسك هذي عيشه بالله انتي حرمه ولا ايش هند والدموع تجمعت في عيونها : فهد انـ ـ ـا فهد يقاطعها بصراخ : اووووووووص مابي اسمع صوتك خلاص الي فيني مكفيني طلعي برا جهزي الغدا برا برررررررررا (وهو يأشر على الباب بعصبيه) هند وهي تمسح دموعها خرجت من الغرفه مالها أي حق يصرخ بوجهي علشان بطنه يصرخ او البيت مبهذل طيب مو ذنبي يوم اخذني الوقت اخذت منديل تمسح دموعها ودخلت لمطبخ ++++++++++++++++++++++++++++++++++++++++ في غرفتها تمشط شعرها وهي تنشد بعض الاناشيد ناظرت للشباك شافت منظر الغروب مرره روعه حطت المشط وقامت للشباك وهي تنشد شافت مجموعه من الطيور تطير فجا على بالها هالبيت من النشيد (يأبها الطير الذي قد حام دنيانا وحام بلغ اخيه محبتي بلغه وماقدرت تكمل خنقتها العبره ابتسمت من بين دموعها لازم تودع الضعف من حياتها لازم تكون قويه علشان تواجهه هالحياه ناظرت للطيور وبابتسامه حلوه : مو بس انتي تقدرين تبتسمين للحياه حتى انا شوفي ابتسامتي اذا كنت تقدرين تطيرين بعيد عن الاحزان فأنا اقدر اتغلب عليها اواجهه حزني بابتسامتي وابتسمت وتركت لدموعها الخروج ينفتح الباب عليها بقوه التفتت شهد بسرعه لجهه الباب بخوف من هذي الي فتحت الباب تفاجاءت بالعنود متكيه على الباب وهي مكتفه يدينها وباحتقار : ابوي يناديك وياليت تشيلين هالقناع الي مسويته بوجهك مسويه فيها انك مظلومه ومسكينه اقولك من الحين ترى مررره مايناسبك هالدور غيريه وانزلي كلمي ابوي لاتتأخرين عليه ( وخرجت وتركت الباب مفتوح ) وش سويت لها ليش كذا تعاملني ليش ماحد يحبني ليش ليش راحت للتسريحه تناظر وجهها وتلم شعرها مسحت دموعها وحست بخوف في قلبها يوم جايه تبي تخرج ياربي وش يبي عمي مني ياربي كن معي تحس كل اللي في البيت يسمع دقات قلبها دقات الخوف سحبت طرحتها وراحت لغرفة عمها تشوف وش يبي وهي في طريقها لغرفة عمها صادفت ام سعود تخرج من الغرفه وهي مرتبكه ام سعود يوم شافتها حزنت عليها بس حاولت ماتبين : شهوده علامك فيه شي شهد وهي تخفي خوفها : لا سلامتك يمه بس مدري عمي يبيني .. يمه تدرين وش يبي ام سعود بارتباك : هاه ماعرف بس انتي دخلي وان شاء الله مايكون الا خير شهوده بابتسامه باهته : ان شاء الله دقت الباب فسمعت صوته الجهوري " دخلي " فتحت الباب ويدها ترتجف دخلت رفعت راسها بشويش وهي تلعب بطرف الطرحه : هلا عمي بغيتني ابو سعود بحده : ايه جلسي هنا " واشر على كرسي قريب منه " راحت للكرسي سحبته وجلست رفعت راسها ابو سعود وهو معطيها ظهره ويناظر الشباك : سمعي ياشهد الناس مايخلون حد بحاله وخاصه حالتك كلام الناس مايرحم رفعت راسها باستغراب وش يقصد التفت له ولاحظ الأستغراب بوجهها : واعتقد ان ولدي اولى من الغريب والبنت مالها الا بيت زوجها ماقدرت تسكت اكثر تبي يوضحلها هالالغاز : وش تقصد عمي ابو سعود وهو يحاول يمسك اعصابه راح عندها حط يده على الكرسي ويشد على قبضة الكرسي وبقسوه : اقصد بكره كتب كتابك على ولدي سعود والزواج بعد اسبوع شهقت من قوة الخبر حطت يدها على فمها تبي تقوم بس ماقدرت حست رجولها تيبست دموعها ماقدرت تحبسهم وش كثر اعاني يااارب نظرت لعمها وعيونها مليانه دموع وبصوت متقطع : حـ ـ ـرام عليكم ابو سعود وعيونه بدت تشتعل من الغضب : حرمت عليك عيشتك يابنت خالد وشو حرامه يوم تتزوجين هذا حرام او يوم انك تتزوجين سعود حرام وش فيه ولدي قصور البنت مالها الا ولد عمها ومالها أي شور بعد راي عمها نطقت بضعف وشفايفها ترتجف : بس مابيه هالكلمه خلت بو سعود مايبشوف قدامه الا وجهه اخوه فما قدر يتمالك نفسه صفعها على وجهها بقوه وهو يصارخ ويحرك يده في الهوا بعصبيه: ومن متى حنا نستشير بناتنا والا علشانك بنت خويلد ببتشرطين ابي ولا مابي كم مره قلت البنت مالها شور بعد شور الريجاجيل قومي عساك قومة جدي وجهزي نفسك بكره لكتب الكتاب حسبي الله على بنات هالزمن قامت وهي تلملم شتات نفسها المجروحه اااااااااه من مرارة اليتم والحرمان وينك يايبه وينك فتحت الباب وهي تحس بالظلم من جميع ابوابه تبي تكمل مشيها لغرفتها بس ماقدرت تمسكت بالجدار بقوه وهي تحس روحها بتطلع مافيها حيل تذكرت كلماته قسوته صراخه اجل كيف يبيها كيييييييييف رحمتك يااااااربي رحمتك يا ارحم الراحمين تعبت وربي تعبت +++++++++++++++++++++++++++++++++++++++ هاليومين تحسها ثقيله عليها ماتدري ليش يمكن سبب غيابه خلاها تتغير صارت تفكر كثير ياربي له اسبوع مايدخل للشات علامه الكل كان ملاحظ تغير ساره صارت انطوائيه وكثيرة التفكير معقوله يكون كل هالشوق مجرد اعجاب معقوله يحس فيني مثل ما احس فيه يفكر فيني مثل ما افكر فيه اااااااااه ياربي تعبت احسن حل اروح انام بس كيف يجيني النوم اخاف صار فيه شي لايكون مسوي حادث لالالالا ان شاء الله ادخل الشات واشوف يمكن الاقيه طلعت لغرفتها بسرعه وهي تمني نفسها بشوفته كانت خايفه اذا شافته ماتمسك نفسها تقوله عن كل شي احساسها وحبها المجنون له كانت تضحك على نفسها يوم تقنعها انها ماتشتاق له الا علشان تبي تكشف شخصيته والحين هي طاحت في شباك الحب ااااه من عذاب الحب جلست على كرسيها وشغلت النت واول شي فتحته هو الشات راحت للرومه المعتاد انها تلاقيه فيه بكل شوق ولهفه بس للأسف خاب ضنها حست بيأس كرهت الشات من دونه مايسوى شي انتبهت لأسمها يتكرر في الشاشه ناظرت لهذا اللي يناديها عرفته هذا اللي كان دومه مع اضحك واجامل حبت تسأله بدون مايحس باللي في بالها ردت عليه O؛°‘¨وحيدة بزماني¨‘°؛o: هلا جروح منسيه جروح منسيه : ياهلا فيك يالغاليه علامك ماتردين O؛°‘¨وحيدة بزماني¨‘°؛o: السموحه منك بس ماكنت مانتبهه جروح منسيه : يله ماعليه المهم شو اخبارك O؛°‘¨وحيدة بزماني¨‘°؛o: نحمد ربي بخير وعافيه اخبارك انت جروح منسيه : بخير ونعمه O؛°‘¨وحيدة بزماني¨‘°؛o: اشوف الروم فاضي غريبه جروح منسيه : وش تقصدين انا مو مالي عينك O؛°‘¨وحيدة بزماني¨‘°؛o: ههههههههه ماقصد شي بس بالعاده مزحوم والحين مافي الا انا وياك جروح منسيه : اييه والله كان مزحوم كان ماضي شكله راح يتم كذا فاضي للأبد << وارسل وجه حزين O؛°‘¨وحيدة بزماني¨‘°؛o: ليش بسم الله شفيك جروح جروح منسيه : انا هذا اخر يوم لي هنا واضحك واجامل ماعتقد راح يدخل مره ثانيه فليش اجلس هنا O؛°‘¨وحيدة بزماني¨‘°؛o: عورها قلبها خافت : وش تقصد اضحك واجامل فيه شي لا يكون تعبان جروح منسيه : تعبان وبس قولي الا هلكان الدنيا ضايقه عليه من جميع جهاتها O؛°‘¨وحيدة بزماني¨‘°؛o: جروح بالله قول علامه اضحك شو متعبه جروح منسيه : خليها على الله O؛°‘¨وحيدة بزماني¨‘°؛o: اسئلك بربك قول حرام عليك فيه شي تعبان من شو جروح منسيه << ارسل وجه استغراب : علامك مستهمه عليه O؛°‘¨وحيدة بزماني¨‘°؛o: < ماقدرت تمسك نفسها وهي تتذكر ضحكته وابتسامته وبعصبيه : مالك صلاح انت قول وانت ساكت جروح منسيه : وحيده علامك اذكري ربك حشى ماصار كلمه وقلناها على العموم اذا تبين تطمنين عليه هذا رقمه *****0556 وخرج وترك الرقم مكتوب على الشاشه وقفت تناظر بخوف ياربي وش اسوي الحين اخذه ابي اتطمن عليه لالالا معقوله اخون ثقة اهلي ياااربي وش هالحاله ماقدرت تصبر اكثر وكلام جروح منسيه في بالها تعبااان الا قولي هلكان اخذت جوالها وسجلت الرقم بسرعه وطفت الجهاز انسدحت على سريرها وهي تشوف الرقم اتصل ولالا اذا اتصلت وش اقوله اعرفه على نفسي وربي فشلله بس اذا ( يقطع عليها صوت جوالها يدق فزت بسرعه من الخوف ناظرت للشاشه غريب رقم غريب سمت بالله وردت ساره : الو :. بكاااء ساره خافت : الو من معي سارونه لحقيني خلاص بموووت انا مت مو بموت انا الحين بقايا انسانه ساره جلست بسرعه وبفرحه ممزوجه بحزن : شهد شهد وهي تصارخ من البكاء : لاتقولين شهد خلااااص شهد ماتت يوم ماتو اهلها يوم راحو وتركوها وحيده بهالدنيا صرت بقايا ياساره بقايا انسانه اااااااااه يابوووي وينك يببببببببببببه وينك ساره وهي تحاول تهدي شهد : شهوده استهدي بالله اذكري ربك فهميني وش صار شهد وهي تشاهق من البكاء : الا قولي وش ماصار عمي قتلني ياساره ذبحني وبكره بيمشي فوق جنازتي وش سويت انا قوليلي وش سويت ااااااااه شكثر اعاااني في هالدنيا ساره وهي تمسح دموعها وبعصبيه ممزوجه بحزن: شهوده حبيبتي علامه عمك حسبي الله عليه وش سوو فيك شهد وهي تشاهق من البكاء : يبي يزوجني ولده ماااااااااااااابيه ياااااناااااس مابيه والله مابيه ولده انسان ثلج باااارد مثل عمي نسخه من عمي وين اروح ياساره وين ساره بعصبيه : ليش والدنيا فوضى رفضيه عساه مايربح شهد وهي تبكي يقوه : رفضت ياسارووه وياليتني مارفضت ياليتني سكت وكتمت اللي في قلبي ااااااااااه ياساروه وش اقولك رفضت وضربني ضربني ياساره عايشه بظلم بظلم ياسااره " ورجعت تبكي " ساره وقلبها يعورها على صديقة قلبها : حسبي الله على الظالم وين بيروح من عقاب الله شهد قومي صلي ركعتين ادعي الله مالك الا الدعاء الحين ولا تقولين ماعندي احد ربي معك وانا عندك يالغلا شهد وهي تبكي بألم : ساره بمووت خلاص مافين ( وانقطع الخط بينهم ) عرفت ساره ان هذا عمها الي قفل الخط رمت نفسها على السرير وهي تبكي بكل الم وحزن على حالة صديقتها سبحان الله الدنيا ماتدوم على حال كانت مدلله والحين صرت مذلله الله يعينك ياشهد باب غرفتها يدق تعدلت في جلستها ومسحت دموعها بسررعه " ادخل " دخل ماجد وبيين عليه فرحان تذكرت ساره سبب فرحه رجع الهم والغم في قلبها وشلون تقوله وهي اللي اعطته الامل بموافقه شهد عليه ماجد وهو يقترب عندها ومستغرب من اثار الدموع اللي في عيونها : علامك سارونه ساره وهي تمسح دموعها وتضحك : هههههه ولاشي بس اشتقت لزميلاتي ماجد وهو يبتسم : ولا عليك وحده بجيبها عندك كل شوي اما الباقيات فعليك فيهم ساره عورها قلبها على اخوها وسكتت ماردت ماجد وهو يضحك : هههههههه تحسبيني اجاملك صدقيني شهد بتكون اربع وعشرين ساعه عندك بس لزوم وقت الغدا والعشاء والظهريه تكون عندي ولا تبينها عندك ههههههه حلوه هذي بكون زوج بالاسم ههههههههه ساره رفعت نظرها وابتسمت في وجهه بحزن ماجد خاف علامها هذي : ساره شهد فيها شي ساره وبكل الم نطقت : مافي نصيب ماجد ماستوعب الكلام عقد حواجبه : وش تقولين ساره بهمس : مافي نصيب سكت ماجد يستوعب الكلام في غمضة عين ينكسر حلمه تهدم اللوحه الي جلس يرسمها سنوات حس برغبه في الهروب من هذا المكان سحب غترته اللي رماها على الكرسي حطها على كتفه وخرج وهو يتنهد من الألم +++++++++++++++++++++++++++++++++++++++ سعود واقف عند ابوه واشياء كثيره تدور في باله رفع راسه لأبوه وبأصرار : يبه من حقي اشوفها النظره الشرعيه قبل مانكتب كتاب صح ابو سعود وهو شبه مقتنع من كلام ولد : طيب اللي تشوفه متى تبي تشوفها سعود ببرود وقسوه : الحين انتهى الجزء الحادي عشر من قصتي سعود ......... قسوته وغموضه العنود ........... وتفكيرها فهد ............. وهند شهد .............. ودموعها وماجد معقوله يكون يحب هند ؟ / توقعاتكم يالغاليات القصه بدن تقترب للنهايه ربي يسعدكمـ التعديل الأخير تم بواسطة الغريبه المهاجره ; 10-06-2008 الساعة 12:51 PM  |
|
#86
07-03-2010, 08:53 PM
| ||||
| ||||
| رد: اول قصه بالعاميه بقلمي من اجزاء
مشكورة على الموضوع
__________________   |
|
#87
17-03-2010, 08:28 PM
| ||||
| ||||
| رد: اول قصه بالعاميه بقلمي من اجزاء ok... وااااااااااي القصه مره جنان ... :)> p: تقبلي مروري... ..فنوش..نونا
__________________ مـــــــــا.. همني .. من لامــــني فــــي .. كلامي .. انا لا قلت .. كلمه .. ادري وش وراآهآآ |
|
#89
07-05-2010, 09:38 AM
| ||||
| ||||
| رد: اول قصه بالعاميه بقلمي من اجزاء وآآآآآآآآآآآآو آبـدآآع آبـدآآع آبـدآآع آبـدآآع آبـدآآع آبـدآآع بـــلآحــــد ود يلآ اللـهـ يوفقك كملـــــــيي |
|
#90
26-06-2010, 02:31 PM
| ||||
| ||||
| رد: اول قصه بالعاميه بقلمي من اجزاء روووووووووووووووووووووووو ووووعة لا تطولين علينا بالجزء الثاني عشر
__________________ هذي آنـآ .. وهذي آطبآعي .. وآخلآقي .. ما آقدر آغيّر ولا آتصنّعْ ولا آتبدّلْ .. إنْ آعجبّك .. مرحبـآ .. وآلدرب له بآقي ,, و انْ كآن ما نـآسبّك .. دوّر على غيـري ., |
|
| أدوات الموضوع | |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| من: اول قصه بالعاميه بقلمي من اجزاء | الغريبه المهاجره | مواضيع محذوفة مكررة مخالفة | 0 | 06-09-2006 01:00 PM |
| من: اول قصه بالعاميه بقلمي من اجزاء | الغريبه المهاجره | مواضيع محذوفة مكررة مخالفة | 0 | 06-09-2006 12:48 PM |
| من: اول قصه بالعاميه بقلمي من اجزاء | الغريبه المهاجره | مواضيع محذوفة مكررة مخالفة | 0 | 06-09-2006 12:47 PM |
| من: اول قصه بالعاميه بقلمي من اجزاء | منارات | مواضيع محذوفة مكررة مخالفة | 0 | 28-06-2006 08:00 PM |
| من: اول قصه بالعاميه بقلمي من اجزاء | منارات | مواضيع محذوفة مكررة مخالفة | 0 | 28-06-2006 07:55 PM |
العرض العادي
