| |
| |||||||
| قصص روايات قصة و رواية القصص الروايات القصة والرواية |
 |  | |
 |
| | أدوات الموضوع | انواع عرض الموضوع |
|
#11
04-07-2006, 12:11 AM
| |||
| |||
هلا والله بميس :rose: الحمدلله اعجبك الجزء وان شاء الله الجزء الثالث طوويل لا تنسي ابي توقعاتك :rolleyes:  |
|
#12
04-07-2006, 12:20 AM
| |||
| |||
|
اقصد راح يجي الجزء قريب ان شاء الله :cry: :cry: :cry:
|
|
#13
04-07-2006, 12:22 AM
| ||||
| ||||
|
أقول الغريبة.. قصتك رومانسية ولا اجتماعية ولا شلون تصدقين كل ما ادخلها.. اتذكر موقف المستشفى وقلبي يعورني واطلع وايد أثرت فيني.... بصراحه قصتك حلوه حلوه.. بس حزينة والفراق انا يتعبني ويذكرني بمواضيع ولا غير كذا أكيد ودي اكملها... هي حزينة للآخر؟؟... أدري ما ينفع هذا الكلام ولا احرق المفاجآت :)
__________________ بعد محاولات كثيره بتسجيل الدخول اخيييرا استطعت الحمدلله.. كل اشوي ادخل ويطلع لي كأني زائرة بس اسمي في المتواجدات!! ومبارك عليكم الشهر خواتي [SIGPIC][/SIGPIC] |
|
#14
04-07-2006, 12:32 AM
| |||
| |||
|
حياك الله ام عبدالله :rose: ام عبدالله انتي تابعيها وان شاء الله تعجبك واذا مريتي بموقف حزين نطي ولاتكملي :cry: بس انا بصراحه ما اضمن لك ان مايوجد في قصتي فراق واحزان :cry: ما ابي احرقها :cry: :cry: :cry: وقصتي جمعت الكل رومانسيه اجتماعيه كوميديه :rolleyes: وتسلمي والله على مرورك :rose: :rose: |
|
#15
04-07-2006, 02:53 PM
| ||||
| ||||
|
والله اللي أتوقعه أن السعاده ماراح تكتمل في بيت أحمد لأن ولده خالد راح يموت !!!!!!! كـــــــــيف ؟ يصدمه فيصل وهو سكران وأحمد راح ينشل لما يسمع خبر موت ولده وشهد ترعى أبوها.... وعمر يتغير 180 درجه ويطلع مدمن مخدرات ........... أبو ماجد يموووووت ....... ####وحده متشائمه #### ههههههههههه ((((((((((((بس اللي أبغاه وأتمنى يصير ))))))))))))) ان خالد يتزوج ساره ويجبون بنت يسمونها مها وشهد تتزوج ماجد ويجيبون ولد يسمونه أحمد وفيصل يتعالج من الادمان لما خالد وماجد وفهد يعرفون قصته ’’’’’’’’’ بس مدري كيف عرفوه والبنت اللي اتصلت مسويه مقلب فيه والباقين يعيشون حياه سعيد .
__________________ [.. وبــدت أحــلامــي ســـواراً تــداعــب خــد الــســمــاء .. |
|
#16
05-07-2006, 02:27 AM
| ||||
| ||||
|
بكره اقراها واكتب لك توقعاتي ومثل ما قلتي ان شفت شي حزين بطوفه (خصوصا الرومانسي الحزين ما اقدر عليه)
__________________ بعد محاولات كثيره بتسجيل الدخول اخيييرا استطعت الحمدلله.. كل اشوي ادخل ويطلع لي كأني زائرة بس اسمي في المتواجدات!! ومبارك عليكم الشهر خواتي [SIGPIC][/SIGPIC] |
|
#17
12-07-2006, 11:47 PM
| |||
| |||
|
ميس توقعاتك حلوووه بس والله اللي أتوقعه أن السعاده ماراح تكتمل في بيت أحمد لأن ولده خالد راح يموت !!!!!!! كـــــــــيف ؟ يصدمه فيصل وهو سكران وأحمد راح ينشل لما يسمع خبر موت ولده وشهد ترعى أبوها.... وعمر يتغير 180 درجه ويطلع مدمن مخدرات ........... أبو ماجد يموووووت ....... [img]style_emoticons/<#EMO_DIR#>/gcray2.gif[/img] [img]style_emoticons/<#EMO_DIR#>/gcray2.gif[/img] [img]style_emoticons/<#EMO_DIR#>/gcray2.gif[/img] توقعاتك احسها مررررره [img]style_emoticons/<#EMO_DIR#>/gcray2.gif[/img] [img]style_emoticons/<#EMO_DIR#>/gcray2.gif[/img] بس والله مرورك هنا على قصتي وتوقعاتك افرحتني مرررررره يله استناك بالجزء الثالث يالغلا [img]style_emoticons/<#EMO_DIR#>/rose.gif[/img] [img]style_emoticons/<#EMO_DIR#>/rose.gif[/img] [img]style_emoticons/<#EMO_DIR#>/rose.gif[/img] ام عبدالله وين توقعاتك؟؟ [img]style_emoticons/<#EMO_DIR#>/gcray2.gif[/img] [img]style_emoticons/<#EMO_DIR#>/gcray2.gif[/img] ومشكوره والله على مرورك الحلو [img]style_emoticons/<#EMO_DIR#>/rose.gif[/img] [img]style_emoticons/<#EMO_DIR#>/rose.gif[/img] |
|
#18
12-07-2006, 11:55 PM
| |||
| |||
|
الجزء الثالث الساعه 6ونص صباحا احمد جالس ومعه الجريده يتصفحها وعلى الطاوله كوب نسكافيه احمد وهو يقلب صفحه الجررريده ومارفع راسه : شهد يله خلصينا اخرتيني على الجامعه بسرررعه خلصي اوديك المدرسه شهد وهي نازله من الدرج وشنطتها على كتفها وعبايتها بيدها حطت العبايه على الكنبه والتفتت ل احمد ويدها على خصرها : هاه يا استاذ احمد خلصت وانت جالس تقرا ( تقلد صوته ) وبسرعه وبسرعه وانت حظرت جنابك جالس تقرا احمد وهو لسى مارفع راسه من الجريده وبسرعه يتكلم : شهد خلاص انا اسف بسررررعه خلصيني ( وقلب الجريده واعتفست ملامحه ) واااااااو وش هالخبر صدق ناس ماتخاف من ربها شهد ما اعجبها الحال تكلمه وهو يرد والجريده لاصقه بعيونه فسحبت الجريده منه بسرعه شهد ويدها الي ماسكه الجريده ورا ظهرها : يله احمممممممد ابي ارووووح المدرسه تدري ان الابله لو تاخرت ماراح تدخلني احمد وقلبه مع الجريده يبي يكمل الخبر الي قراه : شهد هاتي الجريده ( وبرجا )بس اكمل الخبر شهد وهي تضرب رجلها بالارض بدلع : ما ابي مابي ودني المدرسه الحين احمد وهو يحط يدينه ورا راسه : وانا ما ابي اول شي اعطيني الجريده وسلمي على راسي شهد وهي فاتحه عيونها : وليش اسلم على راسك انا ماغلطت احمد وهو يتعدل بجلسته : والله بكيفي يله تبيني اوديك سلمي على راسي والجريده تنازلت ما ابيها شهد ترمي الجريده على الطاوله وتروح وهي معصبه تسلم على راسه وبعد ماسلمت راحت تلبس عبايتها شهد وهي رايحه تلبس عبايتها : سلمت على راسك هيا يله ودني يا استاذ احمد المدرسه يله شفني البس عبايتي احمد يحك على راسه : اممممممممم يله نوديك وش ورانا كم شهووووده عندنا شهد لبست عبايتها وشلت شنطتها على كتفهاوالتفتت له وبدلع : مافي الا انا وبس احمد وهو يقوم وياخذ شماغه : مشكلة والله الواثقين شهد وهي تصااااااارخ : احممممممممممممد احمد وهو يحاول يبتسم : وي وي وي امزح ومسكها من يدها : يله قدامي على السياره .................................................. .............................. في بيت ام فيصل ام فيصل وهي توها خلصت من اعمال البيت طلعت غرفتها لبست شرشف الصلاه ( متعوده على الشرشف) وفتحت دولاب الملابس مدت يدها لجلابيه حمرا مخططه با ابيض مشقوقه شوي اخذت الجلابيه ورمتها على السرسر التفتت وراها وراحت لدرج فتحته واخذت ابره وخيط رجعت وراى جلست على طرف السرير واخذت الجلابيه وجلست تخيط وهي تتذكر طفوله عيالها شريط الذكريات الحلوه يمر قدام عيونها تبتسم يوم تذكرت هالشريط الحلو ويدها لازالت تخيط الجلابيه نزلت دمعه حاره من عيونها يوم تذكرت طفوله فيصل البريئه يوم كان يتعلق برقبتها وكيف اذا سمع صوت الرعد يتخبى بشرشفها مسحت الدمعه بجلابيتها وكملت خياطتها وهي تحاول تبعد ذكريات فيصل الحزينه انتهت تقريبا من خياطه الجلابيه فرشت الجلابيه على السرير وظلت واقفه تناظرها تشوف احلامها وذكرياتها فيها ظمت جلابيتها كانها تظم طفلها دفنت وجهها داخل جلابيتها وهي تقاوم دموعها ابتسمت بألم وهي ترفع راسها مسحت دموعها واخذت الجلابيه فتحت الدولاب ورجعتها مكانها راحت لتسريحتها ناظرت فيها طاحت عينها على عطرها الوحيد تعطرت منه شافت الروج مدت يدها تبيه بس تراجعت لمين راح تتزين زوجها الله يرحمه توفى وترك لها اربع من العيال رفع راسها شافت وجهها بالمرايا اثار التجاعيد بوجهها بكل مكان مررت يدها على وجهها تحسس التجاعيد كبرتي يا ام فيصل وكبر عيالك وهمك : يمه علامك ايش فيك التفتت ورا شافت مناير واقفه عند الباب ويدها على قبضه الباب ام فيصل وهي تحاول تسوي نفسها طبيعيه : لا يمه سلامتك مافيني الا العافيه مناير تركت الباب وجات عند امها مسكت يد امها : يمه احس ان فيك شي قولي يمه ...... احد مزعلك .... يمه فيصل سوى شي ام فيصل وهي تعدل شرشفها : لا يمه ماحد مزعلني بس احس صداع شوي براسي مناير وهي تحرك يدينها : سلامتك والله من هاصداع عساه فيني ولا فيك يمه ام فيصل تضربها على ظهرها بشويش : وش تقولي انتي ما ابي اسمع هالدعوه مررره ثانيه تسمعين مناير وهي تبتسم بخفه : ليه تخافي علي ام فيصل وهي تلتفت وراها وتاخذ الابره والخيط : ليه في احد مايخاف على عياله مناير وهي تجلس علىطرف السريروتحك راسها : امممممم فيه بس نادر ام فيصل تلفت يمين ويسار تبي تشوف شي ترميه على هالبنيه بس مالقت الا بطانيه صغيره اخذتها ورمتها عليها ام فيصل وهي تضحك : تستاهلي احد قالك تقولي كذا بوجهي مناير وهي تبعد البطانيه مت وجهه : يمه انا اقصد ماخلصت كلامها الا ومخده جايه بوجهها التفتت بعصبيه جهه امها ماشافت أي اثار تدل انها رمت المخده التفتت وراها شافت بندر واقف متكي على الباب ويضحك عرفت انه هو من رمى المخده فعلى طوول وقفت اخذت المخده وراحت عنده مناير وهي ماسكه المخده ضربت الباب بيدها الثانيه بقوه : انت حظرت جنابك ترمي المخده علي لييش بندر وهو يحط اصبعه على اذنه من الصرراخ ويصررخ : كييييفيييي مناير وهي ترمي المخده بوجهه : اذا كان كيفك فحتى انا كيفي ارمي المخده على وجهك وهررربت بسرررعه عند امها انخشت وراها مناااير وهي ماسكه شرشف امها طلعت لسانها له : تستااااااااهل احسسسسسن وييييييييييي مسكييييييييين بندر يروح عندها ويبي يمسكها بس الام ماتخليه ام فيصل وهي تضحك : بندروه اترررك دلوووعتي لو لمست شي منها بكسر راسك بندر وهو يتحسس راسه : لا يمه تكفين كل شي ولا راسي ماصدقت طلعو هالشعرتين فيه وجايه تبين تكملين الناقص تكسرررينه لااااااااااااا بليييييييييييييز ام فييصل با استغراب: وش هالبليز مناااير تطلع راسها بشويش من ورا امها وهي ماسكه الشرشف بقووه : يممه ماعليك منه يبي يسووي فيها يعني يعني شوفوني اعرف انجليزي بندر وهو يقترب من اخته : ابعدي من امي وتعالي كلميني ايش قلتي عيييدي كلامك مناير وتبي تقهره مره : والله بصرراحه كلام الملووك ماينعااد بندرررر : بس كلامك انتي ينعاااد قولي ايش قلتي مناير : ما ابي بندر : لا تبين قولي ام فيصل وهي تمسك راسها وتصارخ : خلااااااااااص فجرتو رااااسي انتم مو صغااااااار تسووون كذا كل واحد اكبر من الثاني والي يشوووفكم يقوول اطفااال صغااار بندر وهو يناظر مناير : ماعاش من يفجر راسك يالغاليه ويرووح عند امه يسلم على راسها ومناير لسى ماسكه شرشف امها وهو يسلم على امه حط يده ورا ظهر امه يقررص مناااير مناير يوم قررصها صررخت : اييييي ام فيصل وهي تظم بنتها : يمه بسم الله عليك علامك مناير وهي تناظر بندر تبي تاكله من القهر : لا يمه سلامتك مافيني شي بندر : يمه بس دلع بنااات تبي تلفت الانظااار لها مناير : بندرررررررررررررر بندر يضحك : ههههههههههههههههههههههههه هه +++++++++++++++++++++++++++++++++ الساعه الحين 9ونص اصوات الطالبات تضج المدرسه تلك رايحه واخرى جايه وهذي تسابق تلك هذا الوقت وقت الفسحه شهد جالسه هي وزميلتها ساره وجنب كل وحده علبه عصير وبطاطس ساره وهي تاكل السندوتش وتناظر شهد : الحمدلله ان ماجد رضي يوديني المدرسه تصدقي جالس يدلع علي مسوي فيها ماحد يعرف يسوق الا هو شهد ابتسمت ابتسامه خفيفه وماردت ساره وهي تناول العصير : شهد علامك ايشفيك شكلك مررره مو عاجبني اليوم شهد وهي تحط الساندوتش فوق علبه العصير : لا ولا شي ساره وهي تحرك يدها : تخبين علي افاااا ماهقيتها منك وين شهد الي كلما شي ضايقها نطت واتصلت واذا شافتني قالت الي عندها يعني الحين ( وبصوت واطي ) صرت غريبه بعد ماكنت قريبه شهد وهي تبي تدافع عن نفسها : لا بس قصدي ساره تقاطعها : وش قصدك لا تقولين مافيني شي وعيونك تقول فيك اشياااء كثيره ( وبحنان ) صدقيني لو ما اعرفك كان صدقتك مافي حل الا انها تشكي تخفف ولو شيئ بسيط من همها هذي ساره صديقتي ماعمري خبيت عنها والحين علشانه اخبي عنها لا والله التفتت لها غمضت عيونها ووطت راسها وبصوت اقرب للهمس : عمي ساره وكل علامات التعجب مرسومه فوق راسها : أي عم تتكلمي عنه انا ادري ان ماعندك اعمام شهد با ابتسامه باهته : الا عندي عم ( والتفتت لها ) توني اكتشف ان عندي عم عم واي عم ياساره عمري ماسمعت صوته والا اتصل يسئل عني ولا يعرف انا عايشه ولا ميته كنت اتمنى يكون عندي عم اتفاخر قدام البنات فيه اكلمهم على بنات عمي ويوم تحققت امنيتي تمنيت انه مايطلع هدم كل شي حلو فيني كسر صورته المرسومه في قلبي ياساره خلاااااص ما ابيه ياليت يارجع مكانه ما ابيه يااااا ساره مااابيه ساره وحست بكثر معاناه صديقتها فحاولت تخفف عنها : شهد انسيه اعتبريه انه مو موجود شهد بيأس : كيف تبيني اعتبره مو موجود وهو امس كان موجود في بيتنا ساره فتحت عيونها : جا عندكم ؟؟؟؟؟؟؟؟؟؟ظ شهد رفعت راسها وبصوت مبحوح : جا وياليته ماجا تخيلي يا ساره ابوي يوم قال ان عمي راح يجي اليوم يزورنا حسيت الدنيا مو سايعتني من الفرحه ابي اطيرررر من الوناسه قمت سويت الشاي والحلى والمالح ابيه يذوق الي سويته بيدي كنت اناظر ابوي ( وسكتت شوي والتفتت تناظر البنات تقاوم دمعه لاتنزل ) شفته مو فرحان مدري ليه وكأن شي راح يصير شويه الا يدق الباب فبسرعه جررريت جري وانا احس قلبي مو معي من شده الفرحه ويوم فتحت الباب ( وطت راسها بسرعه ونزلت دمعه تجر دمعه ) شفت انسان قدامي ضخم شوي وطويل حسيت نفسي قدامه ولاشي مديت يدي له وانا ارتجف مدري ليه ياساره حسيت بالخوف يمكن علشان نظراته القويه الي ماعبرتني ولا كأني موجوده تخيلي ياساره يوم مديت يدي مشى من قدامي ولاناظرني ولاحتى سئلني كيفك ( مسحت الدمعه براحه يدها وكملت) دخل البيت وهو ينادي على ابوي جا ابوي بسررعه شفت ابوي كيف يرحب فيه وهو مو معبره وابوي مع هذا كله مريض بالقلب ومايحتمل أي شي ياساره فما بالك بالي سواه عمي اكره عمي اكرهه سكتت شهد وماقدرت تكمل وراحت في نوبه بكاء ساره وهي تحط يدها على كتف شهد وبصوت حاني : مسحي دموعك يالغاليه وعيشي حياتك وكأنه مو موجود واذا جا عامليه بكل احترام هذا عمك ياشهد اذا ما عاملتيه بأحترام ماراح يتكلم عنك راح يتكلم عن تربيه ابوك وهذا ماراح يرضيك صح شهد وصوتها مليان بكى : صـ ـ ـح ساره ماهان عليه تشوف زميلتها كذا حزينه مهمومه وجريحه فلتفتت تفكر تبي تخرجها الحين من هذي الدوامه التفتت على البنات يمين ويسار وهي تفكر شوي الا ولفتت نظرها بنت مسترجله شعرها مقصوص مثل الولد ورافعه اكمام المريول ومتكيه على الجدار وصوتها مره قوي فيوم شافتها ساره التفتت لشهد الي كانت غرقانه باحزانها فضحكت ضحكه قوويه شهد رفعت راسها ومسحت وجهها : ادري انتي ماهمك شي ساره وهي تقوم وتمسك يد شهد وتبتسم: قومي معي الحين شهد يوم ناظرت ساره وشافت هالابتسامه عرفت ان في شي راح يصير ساره ماتسوي هالابتسامه الا ووراها شي شهد وهي تجلس وتسحب يدها من ساره : ما ابي اروح اول شي قولي ايش عندك ساره بطفش: اوووووووه شهد قومي خلصينا شهد : ماراح اتحرك من هالمكان الا يوم تقولي وش ناويه عليه ساره وهي تمد اصبعها تجاه البنت : شوفي هناك شهد التفتت جهه مصدر اشاره ساره واستغربت : ساره من هذا وش جاب هالولد هنا ساره وهي كاتمه ضحكتها : هذي ياطويله العمر بنت بس مسترجله تعالي معي لو ماخليتها تستحي على هذا الي مسويته بنفسها ماكون انا ساره ساره وهي تسحب يد شهد : قوومي يله بسررعه خلينا نشوف شغلنا معها شهد وهي متردد ه : والله خايفه ياساره ساره تسحبها بقوه : ياشيخه قومي مسويه فيها اخاف قامت شهد وهي متردده وخايفه ماسكه يد ساره بقوه تحس بالخوف ليش ماتدري وصلو عند البنت البنت المسترجله كانت معطيتهم ظهرها وتكلم بنت ثانيه ساره وهي تضرب ظهر البنت المسترجله بشويش : هلا عمر التفتت البنت لهم وعلامات الاستعجاب مرسومه فوق راسها البنت وهي تاشر على نفسها : تكلميني انا ساره بدون مبالاه : ايه انت ياعمر ايش جايبك هنا وسط البنات تبي تفشلني ايش تبيهم الحين يقولون عني هاه والله لو ماخبرت امي عليك تشووف وبخبر ابووي علشان لايعطيك سياره صدق شباب اخر زمن البنت بدت علامات الغضب ترتسم في وجهها البنت وهي تصارخ بصوتها الجهوري: هيييي انتي احترمي نفسك وعدلي الفاظك شوفي مع مين تتكلمي شهد غمضت عيونها من قوه صراخ البنت ولو الود ودها كان حطت اصبعها داخل اذنها بس استحت البنت لفتت نظرها شهد شافت عيونها مغمضه وملامح وجهها متغيره من صراخها فتحت شهد عيونها والبنت لسى تناظرها شافت شي في عيون شهد يمكن لمحه حزن او جرح ماتدري ليه حست بهالشعور اول مره تشوف هالنظره في بنت عيونها تقوول اشياء كثيره نظراتها حركت شي في داخلها مدفون شافت هالنظره ولسى ذاكرتها تتذكر هالنظره ((ساره تتكلم وتضحك بس البنت مو معها)) اشياء كثيره مدفونه وجروح واحزان كثيره نبشتها تلك النظره اييييه يادنيا غريبه لم ينتهي الجزء الثالث من قصتي يتبع ولكن عمر لم يظهر بهذا الجزء ان شاء الله بالجزء الجاي العم اين مكانه في الاعراب والبنت المسترجله وشهد لم ينتهي الموقف فا نتظروه اترك لكم توقعاتكم انتقادكم اقتراحتكم والسموحه على الجزء القصير يتبع |
|
#19
13-07-2006, 12:09 AM
| ||||
| ||||
|
تسلمين حبيبتي طولت مرررررررررره أتوقع ان العم يغار من أحمد عشان كذه مو معطيه وجه .. البنت المسترجله تطلع بنت عم شهد...... إلى الامام ياعسل بس لاتطوووووووولين..
__________________ [.. وبــدت أحــلامــي ســـواراً تــداعــب خــد الــســمــاء .. |
|
#20
13-07-2006, 01:32 AM
| |||
| |||
|
تو أقضي من قصتك بس الجزئين .. شهد أكيد بيصير لها شيء .. أكيد .. عايلة أم فيصل ما أعجبتني ..... إكس .. سارة .. بتنحرف يمكن وتضيع شهد .. اللي قاهرني ودي أموت وأعرف من اللي دق على أحمد ؟؟؟؟؟؟ والمشكلة إن ربعة مو حقين هالسوالف ..؟؟؟ عمر ... أحس بيوجعني .. بتصرفاته .. وبيتألم أحمد منه ... مشكووووووورة .. بأكمل القصة بالجزء الثالث الليلة .. طريقة سردك حلووووووة .. بس .. ليه أبو أحمد ماله أهل ؟؟؟؟ يله .. بأوقع إن كملتها.. |
|
| أدوات الموضوع | |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| من: اول قصه بالعاميه بقلمي من اجزاء | الغريبه المهاجره | مواضيع محذوفة مكررة مخالفة | 0 | 06-09-2006 01:00 PM |
| من: اول قصه بالعاميه بقلمي من اجزاء | الغريبه المهاجره | مواضيع محذوفة مكررة مخالفة | 0 | 06-09-2006 12:48 PM |
| من: اول قصه بالعاميه بقلمي من اجزاء | الغريبه المهاجره | مواضيع محذوفة مكررة مخالفة | 0 | 06-09-2006 12:47 PM |
| من: اول قصه بالعاميه بقلمي من اجزاء | منارات | مواضيع محذوفة مكررة مخالفة | 0 | 28-06-2006 08:00 PM |
| من: اول قصه بالعاميه بقلمي من اجزاء | منارات | مواضيع محذوفة مكررة مخالفة | 0 | 28-06-2006 07:55 PM |
العرض العادي
