يا يمه جيت ابسأل ليه انا حظي مجافينـي
اشوف الناس ملتمه وانا ما بيـن حسراتـي
اشوف افراح من حولـي اسلـم ماتحيينـي
اناديها وانا خجلانـه الـزم فـي تحياتـي
احاكيها يافرحه وين؟ حلفت انك تزورينـي
اشد بحكي ثم ارخـي اداعبهـا بهمساتـي
ولا بـه فايـده يمـه برغبتهـا تمشينـي
تواعد ثم تخلفني او انهـا تنسـى اوقاتـي؟
انا اذكْر دعوتك لله . طلبك انـه يخلينـي
طلبك انه بيرزقني و يوفقني فـي بداياتـي
تعلمت الدعاء منك وصارت عـادةٍ فينـي
اذا نامت عيون الخلق اوجه لربي دعواتـي
رجيت بصوت كله خوف متأمل بيعطينـي
لاجل ما افرّحك يمه رجيت وزدت رجواتي
هقيت ان دنيتي تصدق بدعواتي وتوفينـي
صبرت بحروة آمالي وحروة كل هقواتـي
وجت للخلق ذا كله ولكـن ازرت تجينـي
وقلت اكيد هي خيره حمـدت الله لحالاتـي
كتمـت الآه لا تطلـع ولا ودي تشوفينـي
ما ودي يتعبك نوحي ولا تشقيك شهقاتـي
تجرعت الألم يمّه شربتـه بـأول سنينـي
وجيتك ما بغيت انك تحسي مـر لوعاتـي
اضّحك هم دمعاتي واطمن خوف يحوينـي
واجر بصوتي العالي لاجل عينيك ضحكاتي
واذا صديت عن وجهك اسلم امري لعينـي
تجيني مثل جلادٍ يروق ان شاف دمعاتـي
اجملهـا بذكـر الله واقـول الله بيجزينـي
اهدّي نفسـي اطلبهـا تجملهـا ببسماتـي
ولكن لو نجي للجد تـرى كذبـي مأذينـي
ما عاد استحمل العيشه بتزيفـي لفرحاتـي
انا هلكانه يا يمـه انـا تعبانـه ضمينـي
انا كل ليله اتوفى وارد احيـا لصرعاتـي
ذبحني البـرد يايمـه بغيتـك لوتدفيـنـي
طلبتك انزعي بردٍ سكن واستوطـن بذاتـي
ضلوعي تزاحمت يمه بصدرٍ مـا يكفينـي
من الضيقه من همومي من آلامي وآهاتـي
يلاعب فكري جنون و تلاعبني شياطينـي
توريني ضعف حالي . تذّكرني بمعاناتـي
تشككني بحبك لي واقـول انـك تحبينـي
تعاند حبك بقلبـي تكـذب لـي حكاياتـي
ترى ما هزني خوفي وحبك لي بيحمينـي
ترى ما عمري اشكك والومك في نهاياتـي
انا بس باسالك يمه حقيقه ليه ولدتينـي؟؟؟
بنفس اللحظه يا يمه ولدتي ليه وناتـي؟؟؟
ارد ادعي انا ربـي مـن العلـه يشافينـي
وكل خوفي على قلبك اذا مـروك برفاتـي
انا خايفه مـن احـلامٍ نهايتهـا بتشقينـي
ومن قسوة مشاويري ومـن اخرمسافاتـي
وخايفه والله من قبري ومن تربه تغطينـي
وسيره تنقطع بعدي ما يبقي غير كلماتـي
ابيكي ترضي بالقسمه ورضوانك بيرضيني
تراني لاجلك اتمنى يحقق ربـي رغباتـي
يا يمه لا اشوف الهـم بوجهـك لاتبّكينـي
ترى مكتوبه قبل اولد متى ولوين خطواتـي
واذا ما جت على كيفي ابيكي منها تعفينـي
ابي ترحمني دموعك وتشفع عندك ابياتـي

---

`RiP`R igiWiJ`RiPig i.`Ri.iSig `I`d`~`RiPig `eiSi.iPi.

__________________



اهداء الى جفوول ,,اسرار,,البقميه ,,المتجدده ,,ولكل اخت وعزيزه علينا تركت المنتدى

يا يمه لا اشوف الهـم بوجهـك لاتبّكينـي
ترى مكتوبه قبل اولد متى ولوين خطواتـي
واذا ما جت على كيفي ابيكي منها تعفينـي
ابي ترحمني دموعك وتشفع عندك ابياتـي

روووعه ياالغلا وتستحف القيم ربي يسعدك

__________________

استودعكم الله يالغاليات

بقميه مرورك شرف لي ومشكوره على التقييم حبيبتي

__________________



اهداء الى جفوول ,,اسرار,,البقميه ,,المتجدده ,,ولكل اخت وعزيزه علينا تركت المنتدى

راااااااااااااائعه هموسه

تاملت كل حرف من حروفها لانها حقا قمـــــــــــــه

يسلمو غاليتي

__________________