السلام عليكم ورحمة الله وبركاته..

خوااتي انا بقولكم مصيبتي بحكم طيبتي وغباائي واطلب منكم الدعاء لي بالستر والتوفيق عاجلا بالزوج الصالح تكفون لاتبخلون علي بمشورتكم ومساعدتي للي تقدر بس اهم شي الدعاااء لي... ماطول بقولكم قصتي انا اهلي من النوع المعقدين من ناحية الزواج كان كل مايتقدم لي احد يقعدون يتشرطون ويماطلون لين يطفش الرجال ويروح عانيت نفسيا من الشي هذا وربي وصار الكل يتكلم ويعتقد العيب من عندي المهم يوم من الايام جت احد صديقاتي وقالت اخوي بيتقدم لك وفعلا جا وتقدم اتصل ع ابوي قال انا مشغول اتصل عليك متى ماحصلت وقت ولاتتصل لين انا اكلمك مر شهر وهو ينتظر ابوي مطنش كنت وقتها بحال مايعلمها الا ربي وخاصه ان صديقاتي والناس كلهم دروو عن الموضوع مابي افشل زي اللي قبل يوم من الايام اتصل اللي متقدم لي ع جوالي ورديته كم مره قعد يقولي انا نيتي شريفه ومتقدم ايش المانع اني اكلمك وفعلا كان وقتها يتصل ع ابوي بس مايرد وانا كنت وقتها اي شي بس تتم خطبتي باحد الايام كانت في دوره كل صديقاتي دخلوها بحكم مستقبل من يدخلها انا من عائله مستوره بس فقيره جدا قلتله عن الدوره وحلف يعطيني المبلغ 5000 بحكم انه رجل المستقبل واخذته بعد اسابيع اتصل ع ابوي وزي ماقلتلكم ابوي انسان مزاجي لابعد حد وياخذ قرار بدون مايشاور رفضه كذا بدون سبب قال ماعني مزوجك اتصل علي خطيبي قال انتي وحده نصابه وتبغين بس فلووس و..و..و.. الله يحرم عني الجنه اذا مافظحتك عند كل صغير وكبير ونشرت صورك بين الناس ماكون انا فلان لك مهله ثلاث اسابيع اذا مارديتي المبلغ..حسبي الله ونعم الوكيل حسبي الله ونعم الوكيل حسبي ونعم الوكيل والله ثم والله ماعمري فكرت فيه الا كرجل لي ولاقصدي استغله حاولت اتسلف ادبر المبلغ ماقدرت انا من عائله بسيطه ولاعندي وظيفه ولا اقدر اقول لاهلي لاني زي ماقلت متشددين وخايفه قدرت ادبر بس الف ريال تكفون الله يفرج عن كل وحده مصيبتها تكفون اللي عندها حل تقولي امانه اللي تقدر توصلها لفاعل خير لاتبخل امانه ادعولي بالستر..فانا انسانه محافظه ومن عائله محافظه لاحول ولاقوة الا بالله..

---

`R`x`diiWi. i[`iP`R `~iS`ti.`~ig iW`Ri.`diWiSig`R `RiW`R ``~i.>>

الحمد الله قدرت ادبر 2000 دعواتكم لي

ما اقول الا لاحولا ولاقوة لابالله الله يعينك على بلوااك وياليت يصير درس لك انتي تصرفتي اعزيزتي تصرف غلط من البدايه اول غلط رديتي وكلمتيه وو ومادري بعد منوين له صورك؟؟ الله يستر كناك انتيب المرسلتها له بعد غلط الله يهديك كذا ما بيخذ عنك فكرة لعابه وو ولا لو تم زواج مارح يثق فيك المفروض لاخذتي فلوس ولا رديتي على لاتال ونتي تعرفين ابوك راعي مطل وو ومزاجي حتى لو الوحدة ملكه تعيي تبي تبين له انها مهي داخله على طمع وانها اهلها قادرين على تعييشها وو حتى لو الواقع مر وصعب وو فقر لا متبين تبينين له الحقيقه كذا يطلع بنظريات غير وحتى لو اخذك بيذلك لانك بينه له انك تبين ازواج باي وسيله ونك تبين فلوس وو غلط مادام المشكله حصلت وصار الي صار وياليته مايتكرر وتحسيبين لكلش الف حساب وتصيرين ثقل ---وقترح عليك تتصارحين اهلك بلموضوع تقولين الحقيقه اخذت مبلغ صديقتي الي هي اخته اعرضت علي وقنعتني وخذت المبلغ احسبكم راح توافقون عليه وسجلت بدورة وتفائجت ان ابوي رفض والحين ابغى الفلوس ارجعها يمكن اما يستحي على نفسه ويوافق ولا يردها له بس بدون تعلمينهم انك كلمتيه ووو لا قولي لختك تقول لبوك ولا امك واذا انتي الكبيرة قولي لمك ولا قولي لبوك برساله قبل ليجي وتصير مشكله بسببك هذا اقتراحي لك واللله يعينك على بلواك ولاعاد تتسرعين وتتصرفين زي تصرف وخلك ثقل وبنت موادبه مصونه نشالله ولا احد يقدر يصلها الى الي يملك ويتزوجها بلاحلال زين نصحتك زي منصح وحدة من قريباتي مع اني معرفك لكن اخوات بالله وبدعيلك نشالله وسوي زي ماقلت لك ولله يفرجها عليك

__________________
(كوني مع الله في الرخاء يكون معك في الشدة )

__________________

لاحول ولا قوة الا بالله الله يهديك تصرفك كله غلط اصلا الشباب مايحبو البنت الخفيفة
استعيني برجال الهيئة والله يستر عليك وعلى بنات المسلمين واكثري من الدعاء والاستغفار

اختي لك مني
الدعاء في
جوف الليل
بإذن الله تعالى

كل بني ادم خطاء
وخير الخطاين التوابين
انا مارح اقلج غلطتي مثل الكل انتى عقلك براسك ومو ياهل
بس مرات تواجهنا صعوبات نقدر عليها ومرات تصعب علينا
ولابد من شخص قريب علينا او حولينا
وان كان ولا بد حاولي انتى الاتصال بالهيئه وطلب المساعدة منهم
وربك يفرجها عليكي بالشهر الفضيل
وان شاء الله تفرج بس تعبي روحك بالدعاء والتذلل لله باليل

من ناحيه الفلوس روحي الهيئه الله معاك
اما سالفه انك تنخطبين ويصير رفض واضح انك محسوده عليك بالاذكار
يارب تتزوجين عاجلا غير اجلا ان شاءالله يفرج همك وهمي ونتزوج قريب

انتي كذابة

تقولين انك من عائلة محترمة وماصدقتي حدا يخطبك الا ارتميتي في احضانه....كيف عطاكي 5000 ووين؟